Махфийлик сиёсати

1. Нималарни йиғамиз

• Ҳисоб маълумотлари. Telegram фойдаланувчи ID'ингиз, исмингиз, username ва тилингиз. Сайтга Google орқали кирсангиз — исмингиз, электрон почта манзилингиз ва профил расмингиз. Telegram орқали — Telegram ID'ингиз, исмингиз, username ва расмингиз.
• Қайта ишлаш учун юборадиганларингиз. Овозли хабарлар, аудио ва видео файллар, YouTube видеоларига ҳаволалар, овозга айлантириш учун матн ва жонли транскрипция пайтида микрофондан келган овоз.
• Сиз учун тайёрлаганларимиз. Матнлар, таржималар, субтитрлар ва яратилган нутқ.
• Фойдаланиш ва тўловлар. ovozAI'дан қачон фойдаланганингиз, ёзувларингиз узунлиги, қанча вақтингиз қолгани, нима сотиб олганингиз, қайси усулда ва қанчага. Карта маълумотлари тўлов провайдерида киритилади: биз уларни кўрмаймиз ва сақламаймиз.
• Бизга ёзганларингиз. Фикр-мулоҳазаларингиз ва сўровнома жавобларингиз.
• Техник маълумотлар. Сайтда — кирганингизни эслаб қоладиган cookie ва браузерингизда сақланадиган тил каби созламалар. Серверларимиз хавфсизлик ва носозликларни топиш учун сўровларни, жумладан IP манзилларни қисқа муддат қайд этади. Реклама ва аналитика cookie'ларидан фойдаланмаймиз.

2. Улардан қандай фойдаланамиз

• Юборганларингизни матнга айлантириш, таржима қилиш ва овозлаштириш ҳамда натижани сизга етказиш учун.
• Бепул ва сотиб олинган вақтингизни ҳисоблаш ва тўловларни қабул қилиш учун.
• Хабарларингизга жавоб бериш ва муаммоларни тузатиш учун.
• Ботда ҳисобингиз ҳақида хабар юбориш учун: бепул вақтингиз қайтгани, сизни кутаётган ёзувлар, таклифлар. Ботни блокласангиз, улар тўхтайди.
• Нутқни таниб олишни яхшилаш учун — фақат сақлашга рухсат берган ёзувларингиз билан (кейинги бўлимга қаранг).

Маълумотларингиздан реклама учун фойдаланмаймиз.

3. Ёзувлар ва матнлар

Одатда ёзувларингизни сақламаймиз. Ёзув қайта ишлангач серверларимиздан ўчирилади, матни эса сизга юборилади ва сақланмайди. Матн остидаги тугмалар (таржима, субтитрлар) ишлаши учун уни 24 соатгача хотирада ушлаб турамиз. Субтитрлар учун тайёрланган файллар иш тугагач, энг кечи бир кун ичида ўчирилади.

Сайтдаги тарих. Сайтда олинган матнлар сиз ўчирмагунингизча тарихингизда туради. Қуйидаги ҳолатлардан бири бўлмаса, ёзувнинг ўзи сақланмайди.

Матнни овозга айлантириш. Тарихдан қайта тинглаш ва юбориш учун яратилган аудиони ва матннинг дастлабки 120 белгисини сақлаймиз.

Ёзувларни сақлашга рухсат берсангиз. Бу созлама ёқилганда (у ҳар ой қўшимча бепул дақиқа беради) ёзувларингиз ва уларнинг матнларини сақлаймиз ҳамда нутқни таниб олишни яхшилаш, жумладан ўз моделларимизни ўқитиш ва синаш учун ишлатамиз. Уни исталган вақтда ботдаги /privacy буйруғи ёки илова созламалари орқали ўчиришингиз мумкин; шундан кейин янги ёзувлар сақланмайди. Ундан олдин сақланган ёзувлар маълумотлар тўпламимизда қолади.

Узун ёзувлар. 20 дақиқадан узун ёки 50 МБ дан катта ёзувни қайта ишлаш учун уни ва матнини сақлаймиз — ва аввал сиздан сўраймиз. Сақланган ёзувларга юқоридагидек муносабатда бўлинади.

YouTube ҳаволалари. Видеони юклаб олмаймиз: Google'нинг сунъий интеллект хизмати уни биз учун YouTube'дан ўқийди. Ҳаволалар матни сақланмайди, сайтдаги тарихингиз бундан мустасно.

Жонли транскрипция. Микрофондан келаётган овоз оқим давомида таниб олинади ва сақланмайди. Telegram'да матн чатингизга юборилади, сайтда эса саҳифада қолади.

Дастурчилар учун API. API орқали юборилган ёзувлар қайта ишлангач дарҳол ўчирилади ва созламаларингиздан қатъи назар ҳеч қачон сақланмайди ва таниб олишни яхшилаш учун ишлатилмайди. Уларнинг матнлари ва вақт белгилари олиб кетишингиз учун 7 кун сақланади, сўнг ўчирилади. Овозлаштириш учун юборилган матн ҳам, ундан яратилган аудио ҳам сақланмайди. API орқали бошқа одамларнинг ёзувларини юборсангиз, уларнинг розилигини олиш сизнинг зиммангизда.

Гуруҳлар. Гуруҳда бот аъзолар юборган ёзувларни матнга айлантиради. Гуруҳлардаги ёзувлар ҳеч қачон сақланмайди.

4. Биз учун маълумотларни қайта ишлайдиган хизматлар

• Google Cloud. Унинг сунъий интеллект моделлари (Vertex AI) матнга айлантиради, таржима қилади ва овозлаштиради; унинг омбори ва серверлари биз учун файлларни сақлайди ва қайта ишлайди. Google бу маълумотларни бизнинг топшириғимиз билан қайта ишлайди ва булут шартларига кўра улардан ўз моделларини ўқитишда фойдаланмайди.
• Telegram сиз билан бот ўртасида хабар ва файлларни етказади ва чатингизни ўз махфийлик сиёсатига кўра сақлайди.
• Тўлов провайдерлари: Click (Ўзбекистон карталари), Polar (хорижий карталар) ва Telegram Stars. Ҳар бири тўловингизни ўз махфийлик сиёсатига кўра қайта ишлайди.
• Хостинг. Серверларимизни хостинг провайдери юритади.

Маълумотларингиз мамлакатингиздан ташқарида қайта ишланиши мумкин. Маълумотларни давлат органларига фақат қонун талаб қилганда берамиз.

5. Google ҳисоби маълумотлари

Google орқали кирсангиз, исмингиз, электрон почта манзилингиз ва профил расмингизни оламиз. Улардан фақат ҳисоб яратиш, тизимга киритиш ва қайси ҳисобдан фойдаланаётганингизни кўрсатиш учун фойдаланамиз. Уларни сотмаймиз, бошқаларга бермаймиз ва реклама учун ишлатмаймиз.

ovozAI'нинг Google API орқали олинган маълумотлардан фойдаланиши ва уларни узатиши Google API хизматлари фойдаланувчи маълумотлари сиёсатига, жумладан чекланган фойдаланиш (Limited Use) талабларига мос келади.

6. Қанча сақлаймиз

• Ҳисоб маълумотлари ва баланс — ҳисоб мавжуд экан.
• Тўлов ёзувлари — қонун талаб қилганча.
• Сайтдаги матнлар — уларни ёки ҳисобни ўчирмагунингизча.
• Дастурчилар учун API натижалари — 7 кун.
• Яратилган нутқ — ҳисоб мавжуд экан.
• Сақлашга рухсат берган ёзувларингиз — 3-бўлимда ёзилганидек.
• Сервер журналлари — қисқа муддат.

7. Сизнинг имкониятларингиз

• Баланс, тарих ва созламаларни иловада кўринг.
• Сайтдаги тарихдан матнларни исталган вақтда ўчиринг.
• Ёзувларни сақлашни ботдаги /privacy ёки илова созламалари орқали ўчиринг.
• Маълумотларингиз нусхасини, уларни тузатишни ёки ҳисобингизни ўчиришни сўранг: info@ovozai.uz манзилига ёки иловадаги «Бизга ёзинг» орқали ёзинг. 30 кун ичида жавоб берамиз. Ҳисоб ўчирилганда унинг маълумотлари ва тарихи ўчирилади; сақлашимиз шарт бўлган тўлов ёзувлари ва сақлашга рухсат берган ёзувларингиз бундан мустасно.
• Биздан хабар олмаслик учун ботни блокланг.

8. Хавфсизлик

Маълумотлар шифрланган уланишлар орқали узатилади, кириш чекланган серверлар ва булут омборида сақланади; уларга фақат хизматни юритувчилар кира олади. Мутлақо хавфсиз тизим бўлмайди: агар маълумотларингиз сизиб чиқса, сизга хабар берамиз.

9. Болалар

ovozAI 13 ёшгача бўлган болалар учун мўлжалланмаган. Агар бола бизга ўз маълумотларини берган деб ҳисобласангиз, бизга ёзинг — уларни ўчирамиз.

10. Ўзгаришлар

Ўзгаришларни шу ерда янги сана билан эълон қиламиз. Муҳим ўзгариш бўлса, ботда ёки сайтда ҳам хабар берамиз.

11. Алоқа

Почта: info@ovozai.uz, иловадаги «Бизга ёзинг» ёки ботдаги /feedback буйруғи.